Vitamin xərçəngə səbəb ola bilər

10 845 5-12-2021, 11:46 maraqli

Vitamin xərçəngə səbəb ola bilərRusiyalı həkim Yelena Solomatina A vitamininin artıqlığının təhlükəsi barədə danışıb. Onun sözlərinə görə, bu maddədən həddindən çox istifadə xərçəngin inkişafına səbəb ola bilər.

“A vitamini antioksidantdır və onkologiyadan qoruyur, lakin onun həddindən artıq dozası, əksinə, onkologiyaya səbəb ola bilər”, - deyə mütəxəssis bildirib.

Həkim digər vitaminlərin həddindən artıq dozasının mümkün nəticələrindən də danışıb. Beləliklə, sintetik C vitamininin həddindən artıq olması böyrək daşlarının, allergik reaksiyaların yaranmasına, D vitamininin artıqlığı isə qaraciyər problemləri, ürək bulanması, başgicəllənmə, şüurun qarışıqlığı, qusma və ya qəbizliyin meydana gəlməsinə səbəb ola bilər.

E vitamininin həddindən artıq olması hamilələrdə dölün tələf olmasına da gətirib çıxara bilər.

K vitamininin çox yüksək dozası tərləmə və yüksək tempratur yaradır.

Həkim hər hansı bir vitamin qəbul etməzdən əvvəl mütəxəssisə müraciət etməyi məsləhət görüb.

Mənbə: RİA Novosti

XƏBƏR LENTİ