İsrail ordusu Qəzzanın cənubunda, xüsusən də HƏMAS-ın yeraltı infrastrukturuna qarşı əməliyyatları daha da genişləndirib.
Xeberdar. net-in məlumatına görə, bu barədə İsrail ordusunun sözçüsü Daniel Haqari məlumat yayıb.
Haqarinin sözlərinə görə, Xan Yunis bölgəsində İsrail ordusu Fələstin terror qruplaşmasının tunellərinə qarşı çox aktiv mübarizə aparır:
“Yaxın günlərdə 99-cu diviziyanın imkanlarını daha da genişləndirəcəyik. İndiyədək quru qoşunları Qəzza zolağı boyunca 30 minə yaxın partlayıcı, o cümlədən tank əleyhinə raketləri məhv edib və ya ələ keçirib”.