Səhliyalı şirkətinin ''1000 bərəkət, halal nemət'' adında haramçılığı

Səhliyalı şirkətinin ''1000 bərəkət, halal nemət'' adında haramçılığı
Kolbasa və sosislərdən ehtiyatlı olmaq şərtə çevrilir

Daha bir həyacan siqinalı, Səhliyalı şirkətinin istehsal etdiyi “Halal nemət, min bərəkət” kolbasa və sosislərin hazırlandığı ət məhsulları həkim nəzarətindən keçmir və insan həyatı üçün çox təhlükəlidir. Realliqinfo.org –a ünvanlanan məlumatda o da vurğulanır ki, şirkətin xaricdən gətirdiyi ət və ət məhsullarının mənşəyi məlum deyil.

Belə ki, Hindistandan, Danimarkadan, Braziliyadan və digər xarici ölkələrdən gətirilən ət məhsullarının mənşəyi məlum olmadığı kimi dondurulmuş halda olması istifadə tarixini də şübhə altına qoyur. Nəticədə Braziliya və Hindistandan ayda 100 tondan çox məhsulun satışını təşkil edən Səhliyalı şirkəti yaranmış sualları cavabsız qoymaqla insanların sağlamlığına da təhlükənin varlığına olan faktlara biganə qalır.

Realliqinfo.org-a məlumat ötürən etibarlı mənbə qeyd edir ki, ət və piylərin dondurulmuş halda ölkəyə gətirilməsi və mənşəyi məlum olmayan məhsulların satışının geniş təşkil edilməsi təsadüfi deyil. Ölkəmizdə heyvandarlığın inkşafı və ət məhsullarına təlabatın tam ödənildiyi bir dönəmdə, Hindistana və ya Braziliyaya üz tutub ordan ət gətirənlərin maraqları bəllidir. Əgər qiymət baxımından yanaşsaq, Danimarka və bu kimi ölkələrdə ətin qiymətinin bizim ölkədə olduğundan heç də aşağı olmadığını görərik. Gömrük və yol xərclərini də nəzərə alsaq o zaman mənbəmizin həqiqəti söylədiyinə şübhə qalmır.

Bəs səbəb nədir? Azərbaycanda və qonşu ölkələrdə ət məhsullarının gətirilməsi və ya istifadə edilməsinə kim əngəl törədir?
Cavab aydındır. Səhliyalı şirkətinin “1000 bərəkət, halal nemət” adında istehsal etdiyi kolbasa və sosisləri mənşəyi məlum olmayan və çox ucuz qiymətə əldə edilən ət məhsullarından hazırlanır. Bu da onların məhsullarının satışı zamanı özünü göstərir. Istehsal etdiyi məhsulları aşağı qiymətə satış mərkəzlərinə verən Səhliyalı halallıqla reklamını qurması reallıqdan kənardır.
Məlumatlı mənbə Realliqinfo.org – a «Səhliyalı» şirkətinin təqdimat filminə tamaşa etməyimizi tövsiyə edir. Qeyd edir ki, həmin 8 dəqiqəlik filmdə (https://www.youtube.com/watch?v=0zpy9vdF0fI) kolbasa və sosislərin Avropa istehsalı olan avadanlıqlar vasitəsilə ərsəyə gəldiyindən söhbət açılır. Lakin ətin haradan alınması haqda konkret məlumat verilmir. Videoçarxda kolbasaların istehsalında istifadə olunan ətlərin daşınması qənaətini formalaşdıran səhnə var, amma həmin səhnədə istehsalda istifadə olunan ətlərin birbaşa özünü göstərmirlər. Videoçarxda bir neçə yerdə istehsalda istifadə olunan ətlər ümumi şəkildə, uzaqdan göstərilsə də, həmin ətləri yaxından tamaşaçıya təqdim etməkdən yayınırlar. Kolbasa istehsalı üçün qarışıq məhsulların elevatora tökülməsi səhnəsində isə ağ rəngli, kvadrat şəklində olan, naməlum əlavə də görünür.

Bu səhnədə də istehsalda istifadə edilən ət məhsulları olduğundan ötəri şəkildə üzərindən keçilir. Əvəzində istehsalın gigiyenik tələblərə cavab verən şəkildə olması təbliğ olunur. Üstü bəzəkli kolbasa və sosislər tamaşaçıya - gələcək istehlakçıya təqdim olunur. Əsas məsələ - kolbasa istehsalında istifadə olunan ətlərin görüntüsü arxa plana keçirilir. Ətlərin mənşəyi, haradan alınması haqda ümumi məlumatla kifayətlənirlər. Bu təsadüfdürmü?

“1000 bərəkət, halal nemət” Azərbaycan telekanallarında nümayiş olunan bir çox komediya seriallarının sponsorudur. Amma kolbasa istehsalının komediyaya, özü də tragik janrda çəkilən komediyaya çevrilməsi heç də yaxşı hal deyil.

Müvafiq qurumlar nəhayət ki, hərəkətə keçib kolbasa və kolbasa məmulatlarının istehsalında heç olmasa qoca inəklərin ətindən istifadə olunmasına nail olmalıdırlar.

Səhliyalı şirkəti ilə əlaqə saxlamağa, münasibət öyrənməyə göstərdiyimiz cəhdlər baş tutmadı. Bununla belə, şirkət rəsmilərinin mövqeyini dərc etməyə hazırıq. Onu da qeyd edək ki, "1000 bərəkət, halal nemət" kolbasalarının istehsalına Ağdamlı İlham nəzarət edir.
Mövzuya qayıdacağıq.
Xeberdar.net

Səhliyalı şirkətinin ''1000 bərəkət, halal nemət'' adında haramçılığı

  • 13-03-2018, 08:41
  • 117


Oxşar mövzular
ƏN ÇOX OXUNANLAR
Həftə üzrə / Ay üzrə
  1. "Aşıq Pəri Məclisi" “Azərxalça” ASC-nin İsmayıllı filalında xalçaçı xanımlarla görüşüb
  2. Norveç Azərbaycandakı səfirliyini niyə bağlamalı oldu?!
  3. “Regionlarda ailə dəyərlərinin təbliği ilə bağlı tədbirlərin təşkili” layihəsinin yekun təqdimat tədbiri keçrildi
  4. Bizim fərqimiz -Ənvər Ağazadədən siyasi iddia
  5. Qazi qardaşları Baş qazi Etimad Əsədova cümə axşamı mərasimi keçirdi.+VİDEO
  6. Əli Abbasovun da Londonda əmlakı ortaya çıxdı? - Sabiq nazirin oğlu açıqlama yaydı
  7. Dövlət Qeydiyyat İmtahan idarəsi, yoxsa Məlixanın kolxoz bazarı..? - Cavabsız qalan VİDEO görüntülər
  8. Abel Məhərrəmovu BDU-da kim əvəzləyir? - AÇIQLAMA
  9. ''Neftçala İcra Hakimiyyətinin başçısı məndən 70 min manat alıb'' - VİDEO
  10. HÜSEYN CAVİD İNSAN HAQQINDA ( Üçüncü yazı)
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
MARAQLI