“Azərbaycan və Türk tarixlərinin tədris saatlarını azaldanlar kimlərə xidmət edir?..”

"Təhsil Nazirliyində bu qərarı qəbul edənlər, onu əsaslandıran ekspertlər nə üçün susur?.."
“Azərbaycan və Türk tarixlərinin  tədris saatlarını azaldanlar kimlərə xidmət edir?..”
Son illər ali məktəblərimizdə Azərbaycan tarixi və Türk xalqlarının tarixi fənlərinin tədris saatlarının kəskin şəkildə azaldılması həmin fənləri gənclərimizə öyrədən ziyalılarımız arasında ciddi narahatlıq doğurmaqdadır.

Mövzu ilə bağlı müraciət etdiyimiz BDU-nun Azərbaycan tarixi kafedrasının dosenti, tarix üzrə fəlsəfə doktoru Boran Əziz Moderator.az-a açıqlamasında məsələyə belə münasibət bildirib.

“Bilirsiz, düşmənin, məsələn, Ermənistanın birbaşa silahlı hucumunun məqsədi Vətənimizin ayrı-ayrı ərazilərini işğal etmək, dövlət müstəqilliyimizə son qoymaq, əgər bunlar mümkün olmasa, Azərbaycanı əhəmiyyətli şəkildə zəiflətməkdir. Belə xain niyyətin həyata keçirilməsinin məkrli yollarından biri də xalqın, onun gəncliyinin öz tarixi keçmişindən, qan yaddaşından, soykökündən, genefondundan xəbərsiz, milli-mənəvi dəyərlərindən uzaq manqurt, hər qəlibə uyan amorf bir toplum kimi böyüməsinə nail olmaqdır. Təəssüf ki, son illərdə bu ideoloji istiqamətdə «görünməz düşmənin» getdikcə artan total hucumlarının şahidi olmaqdayıq. Həmin hucum çoxistiqamətliliyi ilə diqqəti cəlb edir. Bəzi şəxslərin xalqımızın taleyində əhəmiyyətli rol oynayan ayrı-ayrı siyasi xadimlərin «gözlərində tük axtarması», onların yaratdıqları dövlətin xarakter və mahiyyətini şübhə altına alan fikirlər yayması belə istiqamətlərdən biridir...

Son illər milli ideologiya sahəsində “qloballaşma” donuna bürünənlərın şiddətli hucumu Azərbaycan tarixinin və Türk xalqları tarixinin tədrisi sahəsinə daha da artmışdır. Bu cür üzdəniraq “islahat”lar nəticəsində ali məktəblərimizdə Azərbaycan tarixinin saatı Tarix fakültələrində 315-dən 210-a, qeyri-tarix fakültələrində 75-dən 60, Türk xalqlarının tarixi fənninin saatı isə 195-dən 75-ə endirilmişdir.

Maraqlıdır, görəsən, insanlara milli qürurluluq, məğrurluq əxlaqı aşılayan, onlara tarixi keçmişlərindən xəbər verən bir fənnin tədrisi kimləri və niyə narahat edir?.. Təhsil Nazirliyində bu qərarı qəbul edənlər, onu əsaslandıran ekspertlər nə üçün susur, ictimaiyyəti narahat edən bu məsələlər barədə izahat vermirlər?..

50 milyonluq Azərbaycan türkünün, 200 milyondan artıq türk xalqlarının tarixinin tədrisi planının belə tələsik, Respublika ali və orta məktəblərinin tarix müəllimlərinin, ziyalıların müzakirəsinə çıxarmadan qəbul edilməsi nə məqsəd daşıyır?.. Bunu edənlər kimlərə və nəyə xidmət edirlər”- deyə tanınmış tarixçi sual edib.



Güman edirik ki, Təhsil Nazirliyinin müvafiq qurumları tezliklə bu çox vacib ümummilli məsələyə aydınlıq gətirəcək.

Mövzunu gündəmdə saxlayacağıq.

Sultan Laçın

“Azərbaycan və Türk tarixlərinin tədris saatlarını azaldanlar kimlərə xidmət edir?..”

  • 24-07-2020, 14:33
  • 520


Oxşar mövzular
ƏN ÇOX OXUNANLAR
Həftə üzrə / Ay üzrə
  1. SƏTTAR MÖHBALIYEV SİZ KİMSİNİZ?..
  2. Deputat Nabranda sərxoş halda polisi döydü — ŞOK
  3. Göyçayda şəhid ailəsinə qarşı daha bir biganəlik-Şəhid Fərid Nadirovun atası problemləri ilə bağlı prezidentə müraciət etdi
  4. Yardımlı rabitəsində BUMERANQ EFFEKTİ - "Aztelekom" "ədalət carçısı"nı niyə işdən qovur? - VİDEO
  5. Azərbaycanda daha 615 nəfər koronavirusa yoluxub - 5 nəfər vəfat edib
  6. Ceyhun Bayramov ABŞ rəsmisi ilə sərhəddəki gərginliyi müzakirə edib
  7. Sabah hava belə olacaq
  8. Vətən müharibəsi qazisi Türkiyədə müalicə aldığı xəstəxanada vəfat edib
  9. ABŞ generalı Bakıya niyə gəlib? - ŞƏRH
  10. "Silahlı Qüvvələrimizin Əfqanıstanda döyüş mövqeyi olmayacaq" - Türkiyə MN
«    Avqust 2021    »
BeÇaÇCaCŞB
 1
2345678
9101112131415
16171819202122
23242526272829
3031 
MARAQLI