Rusiyanın rəsmi nümayəndəsindən şok sözlər: “Bakını “İsgəndər” raketləri ilə vurmaq lazımdır”-VİDEO

Rusiyanın rəsmi nümayəndəsindən şok sözlər: “Bakını “İsgəndər” raketləri ilə vurmaq lazımdır”-VİDEOMəlum olduğu kimi, bir neçə gündür ki, İrəvanda “Lazarev klubu” adı altında Rusiyanın və Ermənistanın nümayəndələri iclaslar keçirməkdə davam edir.

Bu klubun mahiyyəti bütövlükdə Azərbaycan və Türkiyənin əleyhinə yönəldiyi, iki ölkə arasında yaranmış yüngül sərinliyi aradan qaldırmağa xidmət etdiyi məlumdur.

Moderator.az xəbər verir ki, Rusiya və Ermənistan siyasi xadimlərinin növbəti, bu günkü iclasında MDB ölkələri institutunun direktor müavini Vladimir Yevseyev Azərbaycanı hədələyən bir çıxış edib.

Bütövlükdə Azərbaycan əleyhinə olan bu çıxışın hədələyici və təhlükəli tərəfi ondadır ki, Rusiyanın nümayəndəsi, Rusiya prezidenti Vladimir Putinin yaxın adamı kimi tanınan Vladimir Yevseyev Azərbaycana dərs vermək üçün, “Bakını “İsgəndər” raketləri ilə vurmağı təklif edib! Məhz Bakını ...

Yevseyev bildirib ki, məqsəd bir daha Aprel döyüşləri kimi hadisənin təkrar olmamasıdır. Azərbaycanın əldə etdiyi ”Polonez” raket kompleksinin “İsgəndər”lə müqayisə olunmadığını qeyd edən Rusiyanın rəsmi nümayəndəsi Vladimir Yevseyev Azərbaycanın İsraildən aldığı silahların da “İsgəndər” qarşısında tab gətirməyəcəyini vurğulayıb.

Dağlıq Qarabağ ətrafındakı rayonların təhlükəsizlik zolağı olduğunu qeyd edən Rusiya rəsmisi bir rayonun da verilməməsini xüsusi vurğulayıb və əks təqdirdə bunun gələcəkdə Azərbaycanın əl-qolunun açılması kimi dəyərləndirib.

Rusiya MDB ölkələri institutunun direktor müavini Rusiya siyasətinin önəmli fiqurlarındandır və Azərbaycana düşmən mövqedə dayanan bir ölkə olduqlarını açıq söylədi. ABŞ-ın Ermənistandakı keçmiş səfiri Millsin “Ermənistanda heç kim ərazi qaytarmaq haqqında düşünmür” məlum bəyanatı bir daha onu göstərir ki, İrəvana bu paslar məhz Moskvadan gəlir. Biz də Bakıda 340 rus məktəbinin olması ilə fəxr edirik. Üç ali məktəbinin filialını açıb, üçünü də gətirməyi planlaşdırdığımızı bəyan edirik. Düşmənin bütün dünyada təcrid edildiyi vaxt, biz hansı səbəbdən qucaq açmışıq? Buna cavab verilməlidir!

Azərbaycan XİN, Azərbaycan rəhbərliyi təcili Vladimir Yevseyevin çıxışına kəskin etirazını ən yüksək səviyyədə bildirməli, Müdafiə Nazirliyi də öz mövqeyini bəyan etməli, digər zəruri diplomatik addımlar atılmalıdır. Bu barədə daha ətraflı mövqe bildiriləcək.

Sonda Yevseyevin çıxışını təqdim edirik:

İlham İsmayıl

Rusiyanın rəsmi nümayəndəsindən şok sözlər: “Bakını “İsgəndər” raketləri ilə vurmaq lazımdır”-VİDEO

  • 2-12-2018, 23:58
  • 171


Oxşar mövzular
ƏN ÇOX OXUNANLAR
Həftə üzrə / Ay üzrə
  1. 21 Azər Hərəkatı haqda nə qədər bilirik? - Rüfət Muradlı
  2. Faiq Ələkbərli dekabrın 20 də Türkiyənin Burdur şəhərində Mehmet Akif Ersoy universitetində "Türk dünyasının yeni məsələləri və həll yolları" mövzusunda konfrans keçirəcək
  3. İqbal Ağazadə: “Azərbaycanın idarəçiliyində partiyamızdan da, komandamızdan da, şəxsimdən də qat-qat zəifdirlər”
  4. Bakıda fahişəxanalar işlədən məşhur Haşımova tutuldu
  5. Bu gündən siqaretə qarşı "Səlib yürüşü" qanunu qüvvəyə mindi - XƏBƏRDARLIQ...
  6. Özəldəki həkimlərin fantastik qazancı - Günə 3-5 min manat...
  7. Damla, Şəbnəm Tovuzlu və digər məşhurların borcu üzə çıxdı - FOTOFAKTLAR
  8. Heyyy, Arabaçı!!! Yolun açıq olsun, uzaq yolun yolçusu!!!
  9. Xətai rayonunda büdcə talanı - Razim Məmmədovu ağır hesabat gözləyir....
  10. Sabahın hava proqnozu açıqlandı
«    Dekabr 2018    »
BeÇaÇCaCŞB
 12
3456789
10111213141516
17181920212223
24252627282930
31 
MARAQLI