Gürcüstan Patriarxı Keşikçidağ məsələsi ilə bağlı bəyanat yayıb

Gürcüstan Patriarxı Keşikçidağ məsələsi ilə bağlı bəyanat yayıbGürcüstan Patriarxı II İlya Keşikçidağ (David Qareci) məbədi ətrafında yaranmış vəziyyəti şərh edib.

ONA-nın xəbərinə görə, patriarxın açıqlamasını keçirdiyi brifinq zamanı protoirey Mixeil Botkoveli səsləndirib.

“David Qarecı monastırı ətrafında yaranan hadisələrin analizi elə bir təəssürat yaradır ki, digər bir qüvvə Azərbaycan və Gürcüstan arasında ciddi problemlər yaratmağa çalışır və təəssüf ki, bu qüvvə hər iki ölkədə özünə dəstək qazanır. Ancaq biz təxribatlara uymamalıyıq. Dövlətlər arasında danışıqlar getdiyi bir vaxtda, Azərbaycan tərəfi ilə ünsiyyət üçün bu qədər imkanların mövcud olmasına baxmayaraq, beynəlxalq təşkilatlar və dost ölkələrin köməyi ilə problemi sivil və ədalətli həll etmək mümkün ikən, sərt açıqlamalar və hərəkətlər bizim milli maraqlarımıza ziddir. Düşünürəm ki, gərginlik mənbəyinin yaradılması Azərbaycan tərəfi üçün də qəbuledilməzdir”, – deyə gürcü patriarxının açıqlamasında qeyd edilib.

O, hər kəsi, ələlxüsus da din xadimlərini və kilsəyə gələnləri sakitliyi qorub saxlamaga, ehtiyatlılıq və vətəndaş məsuliyyəti nümayiş etdirməyə çağırıb.

II İlya açıqlamasında Gürcüstan və Azərbaycan hökumətlərinə müraciət edərək, tərəfləri iki ölkə arasında dost əlaqələrinin qorunması və dərinləşdirilməsi məqsədilə ədalətin bərqərar olması üçün intensiv danışıqlar aparmağa səsləyib.

“Öz tərəfindən Gürcüstan kilsəsi bu prosesdə aktiv iştirak etməyə hazırdır. Biz ümid edirik ki, hər iki tərəf Allahın izni ilə problemlərin öhdəsindən gələcək. Bununla yanaşı, biz Azərbaycan hökumətini və xalqını Müstəqillik günü münasibətilə təbrik edir, sülh və əmin-amanlıq arzu edirik”, – deyə açıqlamada qeyd edilib.

Gürcüstan Patriarxı Keşikçidağ məsələsi ilə bağlı bəyanat yayıb

  • 28-05-2019, 12:30
  • 360


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Xəstənin 10 000-nini alıb kor etdilər - "Yeni Gəncə" klinikasından ŞİKAYƏT
  2. Avtomobil yollarındakı vəziyyətlə bağlı sürücülərə XƏBƏRDARLIQ
  3. Bağçada azyaşlını döyən tərbiyəçinin işi ilə bağlı yeni açıqlama
  4. Qarın piylərini yox etməyin üsulu açıqlandı
  5. Erməni hüquqşünas: "Hələ də morqlarda naməlum cəsədlər var”
  6. "“QARA BAZAR"a "KRIŞALIQ" EDƏN MƏMURLAR VAR” - Millət vəkilindən dollarla bağlı açıqlama
  7. Ermənistan Türkiyə ilə münasibətləri normallaşdırmaq üçün şərtləri açıqlayıb
  8. DİN Katibliyinin rəisi vəzifəsinə yeni təyinat olub
  9. BŞİH Aparat Rəhbərinin 2 Milyonluq Mənzili – Qazancın Görünməyən Tərəfləri…
  10. Bir neçə qurum bilikdə 65 toyun monitorinqini həyata keçirib- 4 nəfər cərimələnib
«    Yanvar 2022    »
BeÇaÇCaCŞB
 12
3456789
10111213141516
17181920212223
24252627282930
31 
MARAQLI