Millət Vəkili onlayn görüş keçirib - FOTO, VİDEO

1 490 15-04-2020, 23:18 cemiyyet

Millət Vəkili onlayn görüş keçirib - FOTO, VİDEO
Bu gün 50 saylı Qobustan-Abşeron seçki dairəsinin vətəndaşları ilə Seçki dairəsinin Millət vəkili Şahin Seyidzadə arasında #evdəqal təlimatına uyğun olaraq onlayn görüş keçirilib. Abşeron rayonu üzrə Qobu, Saray, Hökməli və Ceyranbatan qəsəbələri, Qobustan rayonu üzrə Qobustan şəhəri və Sədəf kəndi sakinləri ilə onlayn video görüşlər keçirilib. Fərdi olaraq baş tutan görüşlərdə məşğulluq sahəsi üzrə iş müraciətləri, hüquq sahəsi üzrə məhkəmə və aliment məsələləri, mədəniyyət sahəsi üzrə tarixi abidələrin bərpası və təmiri, sosial məsələlər üzrə sosial yardımlar, ev növbəsi mövzuları, həmçinin tibb və təhsil sahələri ilə bağlı müraciətlər dinlənilib.
Millət vəkili Şahin Seyidzadə Xeberdar.net-ə açıqlamasında bildirib ki, son günlər ərzində bizə müraciətlər olunurdu, qəbul üçün məktublar yazılırdı. Biz qərar verdik ki, görüntülü danışıq həyata keçirək və bəzi məsələlərə aydınlıq gətirək. Ümid edirik ki, yaxın zamanda karantin rejimi bitəcək və biz əhali ilə canlı olaraq görüşəcəyik. Amma hal hazırda mövcud vəziyyəti nəzərə alaraq onlayn görüşləri mütəmadi olaraq davam etdirəcəyik.

Xeberdar.net

XƏBƏR LENTİ