Qazaxıstanda bir kişi əvvəlcə 3 uşağını, sonra isə özünü öldürüb.
Xeberdar.net xəbər verir ki, Manqistau vilayətində baş vermiş faciə ilə bağlı respublikanın Daxili İşlər Nazirliyinin mətbuat xidməti öz "Telegram" kanalında məlumat yayıb.
Bildirilir ki, dekabrın 11-də axşam saatlarında Münayli rayon polis şöbəsinə dörd cəsədin tapılması ilə bağlı zəng daxil olub. Hadisə yerinə gedən əməliyyat qrupu ölənlərin bir ailənin üzvləri - 38 yaşlı ata, həmçinin 8, 4 yaş və 10 aylıq uşaqlar olduğunu müəyyən edib.
Əlavə müayinələr göstərib ki, kişi əvvəlcə uşaqları öldürüb, sonra isə intihar edib.
Yoxlama zamanı o da məlum olub ki, faciə ailədəki münaqişə zəminində baş verib. Deyilənə görə, valideynlər boşanmağa hazırlaşırmışlar.
Kişinin həyat yoldaşına “öləcəyini və uşaqları özü ilə aparacağını” etiraf etdiyi səs yazısı da tapılıb.
Xeberdar.net
