Ruben Vardanyanın saxlanılmasından sonra erməni mətbuatı Qarabağda qalan separatçıların siyahısını təqdim edib.
Xeberdar.net-in məlumatına görə,“Hraparak” nəşrinin məlumatına görə, Qarabağdan hələ də minlərlə insan, o cümlədən “dövlət məmurları” və hərbçilər qalmaqda davam edir.
Hazırda ləğv edilmiş qondarma rejimin keçmiş rəhbərləri Bako Saakyan, Arkadi Qukasyan və Araik Arutyunyan Qarabağdadır. Bundan başqa, separatçı-terrorçu silahlı qruplaşmanın keçmiş komandanları, “deputatlar”, separatçıların indiki rəhbəri Samvel Şahramanyan və qondarma “hökumətin” bütün üzvləri də Qarabağda qalıblar.
Qeyd edək ki, bu gün qondarma-terrorçu xunta özünü buraxdığını elan edib. Beləliklə, “dqr” artıq mövcud deyil!
