Yardımlıda 1 nömrəli məktəbdən aldığımız xəbər bizi çox narahat etdi. Tanınmış məşhur məmur xanımın qardaşı 7-ci sinif şagirdini zorladı. Düzdü Yardımlı Rayon Polis şöbəsi hadisəyə dərhal müdaxilə edib cinayət işi açsa da, hələ ki heç bir nəticə əldə edilməyib. Çünki təcavüzkar pedofil hələ də insanlar arasında gəzir. Tehsilmedia.az saytı bildiririr ki, Azyaşlı körpə canlara göz qoymaq biabrçılıqdır. Qızlarımızı məktəbə də rahatlıqla göndərə bilməyəcəyiksə, məmur qardaşıdır deyə cəzalandıra bilməyəcəyiksə, axı niyə yaşayırıq?!

Hələ də vətənə, millətə örnək olmalı olan məmurların, xüsusilə məmur xanımların adlarının belə hadisələrlə hallanması, davamlı belə işlərin ört-basdır edilməsi ədalətsizlikdir. Məmur bacı məktəblərdə erkən nigahın qarşısı alınması maarifləndirilməsini aparır. Amma vəziyyət tam əksinədir. 12 yaş nədir ki? Oyuncaqla oynamalı olan uşağa göz qoymaq olmaz! Etik bir söz tapıb demək belə çətindir. Mütləq şəkildə cəzalandırılmalıdır.

Tehsilmedia.az saytı olaraq Sektor müdiri Kamal Çaxırlı ilə əlaqə qurub məsələni aydınlaşdırmaq istəsək də, Kamal Çaxırlı hadisə haqqında danışmaqdan yayındı və suallarımızı cavabsız qoydu. Məsuliyyəti üzərindən atmaq üçün Sektor müdiri İctimaiyyətlə əlaqələr şöbəsi müdiri Tural Kərimovla əlaqə yaratmağı məsləhət gördü. Hansı ki, hər zaman olduğu kimi şöbədən heç telefonumuza baxan olmadı. Bu qəribə deyil. Çünki həmişə belədir. Tural Kərimovu tanıyanlar çox gözəl bilir, özü ilə əlaqədar olmayan hər işə qarışar. Təbii ki, əlaqə saxlamaq mümkün olmadı.

Aidiyyatı qurumların məsələyə düzgün yanaşmasını və ədaləti bərpa etməsini xahiş edirik. Məmur bacı bu dəfə öz vəzifə səlahiyyətlərindən sui-istifadə edərək məsələni ört-basdır etməsin.