Rusiyanın gecə saatlarında Ukraynanın energetika infrastrukturlarına raket və PUA-larla endirdiyi zərbələr nəticəsində 1 milyondan çox abonent elektrik enerjisiz qalıb.
Xeberdar.net məlumat verir ki, bu barədə Ukraynanın daxili işlər naziri İqor Klimenko Teleqram kanalında xəbər verib.
Nazirin sözlərinə görə, hücumlar Dnepropetrovsk, Kirovoqrad, Nikolayev, Odessa və Çerniqov vilayətlərini əhatə edib. Hadisə nəticəsində azı 5 nəfər yaralanıb.
Klimenko bildirib ki, elektrik təchizatı baxımından ən ağır vəziyyət Odessa və Nikolayev vilayətlərindədir.
Qeyd edək ki, daha öncə Prezident Zelenski bu gecə Rusiyanın ən böyük hücumlarından birini etdiyini və enerji infrastrukturunu hədəf aldığını açıqlamışdı.
