Ötən gün Qaradağ rayonu ərazisində yerləşən “Sədərək” ticarət mərkəzində qanlı hadisə baş verib.
Moderator.az-a daxil olan məlumata görə, Türkan Ağahüseyn qızı Nəsirli bədənin deşilmiş-kəsilmiş yaraları xəsarətləri ilə xəstəxanaya daxil olub.
Məlum olub ki, qadının bədəninin bir neçə yerində bıçaq xəsarətləri var. Xəstəxanaya gələn hüquq-mühafizə orqanlarının əməkdaşları zərərçəkmişi dindirən zaman məlum olub ki, qadın, Samir adlı şəxs tərəfindən bıçaqlanıb.
Mübahisənin hansı səbəbdən baş verməsi isə istintaq sirri olduğundan açıqlanmır.
Hazırda Qaradağ RPİ-si 10-cu Polis Bölməsinin əməkdaşları hadisəni törədən şəxsin axtarışlarına başlayıb.
Xeberdar.net
