“Toylardan yox, narkomanlardan danışın, sabah bunlar bizə küçədə təcavüz edəcəklər…”

“Toylardan yox, narkomanlardan danışın, sabah bunlar bizə küçədə təcavüz edəcəklər…”“Toy barədə heç danışmaq istəmirəm. Pandemiyadan və şəhidlərimizdən sonra adam nifrət edir toydan danışmağa. Sadəcə işimiz budur ki, toya gedirik. Sabah mən də uşağıma toy etmək istəyirəm”.

Bunu Moderator.az-a açıqlamasında Əməkdar artist Nüşabə Ələsgərli deyib. Müğənninin sözlərinə görə bu gün ölkədə müzakirə olunası daha ciddi problemlər var:

“Biri zəng vurub deyir ki, toya neçəyə gedirsiniz? İkincisi zəng vurub soruşur ki, qiymətləri qaldırmısınızmı? Xahiş edirəm, bu sualları yığışdırsınlar. Toydu da olanda gedirik, olmayanda yox. Toy barədə heç danışmaq istəmirəm. Pandemiyadan və şəhidlərimizdən sonra adam nifrət edir toydan danışmağa. Sadəcə işimiz budur ki, toya gedirik. Sabah mən də uşağıma toy etmək istəyirəm.

Məsələn, mənə narkotiklərdən sual verin danışım. Deyəcəksiniz ki, sizin mövzunuz deyil. Mən də bir anayam. Mən sizin sayt vasitəsilə Narkotiklərlə Mübarizə İdarəsinə sual vermək istəyirəm. Bizim sərhədlərimizdən quş quşluğuyla qanad çalıb uça bilmir. Bəs bu narkotiklər ölkəyə hardan gəlir, niyə bunun qarşısı alınmır?! Niyə bu gənclərimiz bədbəxt olurlar?! Sosial şəbəkələrdə, saytlarda narkotikdən istifadə edənlərin görüntüsünü görürük. Pis hala düşüblər. Bəs necə olacaq bizim uşaqlarımızın axırı?! Mən öldüm getdim. Bəs bu cavanlar və onlardan törəyənlərin axırı necə olacaq?! O Narkotiklə Mübarizə İdarəsinə sual verirəm ki, onların da balaları var. Axı bu narkotiklər onların da övladlarına zərbə vuracaq. Bəs hansı cəmiyyətdə yaşayacağıq? Bunlarla biz döyüşə çıxaq? Ola bilməz ki, sahə müvəkkiləri ərazilərində əkilən narkotiklərdən xəbərsiz olsunlar. Yalan deyirlər. Birinci elə o sahə müvəkkilərini həbs etməlidirlər. Bunlar hara baxırlar. Hər şeyi nazirdən istəmək lazım deyil, təyin olunan adamlar vəziflərini icra etməlidirlər. Mən vətəndaşam, müğənniyəm, bu hadisələri oxuyanda əsəbiləşirəm. Bu mənim sahəm deyil, amma mənim, övladım və qonşularım üçün təhlükəlidir. Bir sözlə, hamımız üçün təhlükəlidir. Mən bir şey edim görün sahə müvəkkili necə tapılacaq.

Bunu təbliğ etmək lazımdır ki, uşaqlar məktəblərdə valideynlərinin nə işlə məşğul olduqlarını desinlər. Avropada belədir. Düzdü, uşaqların valideynlərinin xəbərçisi olmasını xoşlamıram, amma hardasa uşaqlar özləri də bilmədən ağır bir cinayət hadisəsinin qarşısını alırlar. Bəlkə valideyn manyakdı. Elə bilin ki, bu institutlar bizdə işləmir. Torpaqlarımızı işğaldan azad etdik, Allaha çox şükür. Amma igid oğlanlarımızı şəhid verdik. Hamı da kövrəldi. Bəlkə də mənim qədər vətənpərvər insan yoxdu. Elə vətənpərvərəm deyə bu məni narahat edir. Bu məsələ isə daha betərdi. Bir milyon narkomanın olması nə deməkdir. Sabah bunlar yolun ortasında bizə təcavüz edəcəklər, oğurluq, quldurluq edəcəklər. Narkotikin ağrıları pis olur, canından bezmiş adamlardı. Bu məsələni jurnalistlər, sahə müvəkkilləri başlamalıdır. Mənim bu hadisələrə ürəyim ağrıyır. Dənizdə batan uşaq görəndə ürəyim ağrıyır deyirəm ki, bunun valideyni kor olsun, niyə nəzarətdən qaçırdıb. Hər şey üçün həssas adamam. Ona görə də toyla bağlı suallar mənim üçün on səkkizinci dərəcədədir. İl yarım toy olmadı heç vecimə də gəlmədi. Camaat necə, mən də elə. Həyat davam edir, toylara gedirik, mənim də uşağım var, iki ildi gözləyir, toy etmək istəyirəm. Həyat davam edir, amma toyla, pulla bağlı suallar mənim üçün cılız söhbətdi. Toyların toy vaxtını da oxumuşuq, pul vaxtını da qazanmışıq. Məni narahat edən şeylər var”.

Vasif Əlihüseyn

“Toylardan yox, narkomanlardan danışın, sabah bunlar bizə küçədə təcavüz edəcəklər…”

  • 14-07-2021, 15:00
  • 612


Oxşar mövzular
ƏN ÇOX OXUNANLAR
Həftə üzrə / Ay üzrə
  1. Bakı Avrasiya Universitetində tələbələrə yaradılan yeni fürsətlərdən danışılıb - FOTOLAR
  2. İRANDA TAXT-TAC DÖYÜŞLƏRİ BAŞLAYIB - Rəisinin administrasiyası islahatçıları "təmizləyiir"...
  3. Şok iddia: “Türkiyənin nüvə silahı...” - Yeni anlaşma balansı dəyişir
  4. Taleh Əliyev: “Nümayiş etdirdikləri birliyə görə xalqımıza minnətdarlığımı bildirirəm”
  5. Türkiyə hərb sənayesindən MÖHTƏŞƏM YENİLİK: SİHA-ların "gözündən" heçnə yayınmayacaq
  6. “NATO-nun qapıları Ukraynanın üzünə açıqdır” – ABŞ-ın Müdafiə naziri
  7. İctimai Birliklərin “ Mədən Sənayesində Şəffaflığın Artırılması” Koalisiyası Tarif Şurasının qərarına etiraz etdi- Mövqe
  8. "İcra məmuru bizi dövlətimizdən narazı salır..." - GİLEY
  9. “Gilan Holdinq”də kütləvi ixtisar DALĞASI - Qəbələnin yüzlərlə sakini işsiz qalıb...
  10. Sabahın hava proqnozu açıqlanıb
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031
MARAQLI