11:56
Avqustun 13-ü səhər saatlarında Qusardan Bakı istiqamətində hərəkətdə olan “Temsa” markalı sərnişin avtobusu aşıb.
Daxili İşlər Nazirliyinin Mətbuat Xidmətinin Quba regional qrupundan Axar.az-a verilən məlumata görə, sürücü Ravil Mahmudovun idarə etdiyi avtobus Quba rayonunun Digah kəndi ərazisində yoldan çıxaraq aşıb.
Hadisə yerinə dərhal polis əməkdaşları cəlb olunub, xəsarət alan 19 nəfər TƏBİB-in tabeliyindəki Quba Rayon Mərkəzi Xəstəxanasına yerləşdirilib. Yaralılardan 4-ü azyaşlıdır.
Avtobusda 22 nəfər olub.
Hazırda faktla bağlı Quba Rayon Polis Şöbəsinin istintaq bölməsində araşdırma aparılır.